Bondye Toupisan, Kris Dènye Jou yo, ki parèt pou fè travay Li a, eksprime tout verite ki pirifye ak sove limanite, e yo tout enkli nan Pawòl la Parèt nan Lachè. Sa a akonpli sa ki te ekri nan Bib la: “Avan tout bagay Chemen an te la, Chemen te avèk Bondye epi Chemen an te Bondye” (Jan 1:1). Pawòl La Parèt nan Lachè, se premye fwa depi kreyasyon mond lan ke Bondye adrese tout limanite. Se premye tèks Bondye eksprime pami limanite kote Li ekspoze lòm, Li gide lòm, Li jije lòm, epi Li pale ak lòm kè-a-kè, e se tou, premye seri deklarasyon kote Bondye fè lòm konnen tras Li yo, plas kote Li kouche, dispozisyon Bondye, sa Bondye genyen ak sa Bondye ye, panse Bondye yo, ansanm ak sousi Li genyen pou limanite. Nou kapab di se premye seri deklarasyon Bondye pale ak limanite depi twazyèm syèl la, depi kreyasyon mond lan, epi se premye fwa Bondye itilize idantite natirèl Li pou Li parèt epi eksprime vwa kè Li bay limanite atravè pawòl.
Pawòl la Parèt nan Lachè (abreje a se La Pawòl), se Kris Dènye Jou yo, Bondye Toupisan ki eksprime L, e kounye a li genyen sèt volim: Volim 1, Aparisyon ak Travay Bondye; Volim 2, Konsènan Konnen Bondye; Volim 3, Diskou Kris Dènye Jou yo; Volim 4, Ekspoze Antikris yo; Volim 5, Responsablite Lidè ak Ouvriye yo; Volim 6, Konsènan Pouswit Verite a; ak Volim 7, Konsènan Pouswit Verite a.
Tout seleksyon ki nan liv sa a se pawòl Bondye Toupisan an eksprime pou travay jijman Li nan dènye jou yo. Yo soti sitou nan Pawòl la Parèt nan Lachè Volim 1, Aparisyon ak Travay Bondye. Yo se verite chak moun k ap chèche ak egzamine travay Bondye nan dènye jou yo bezwen jwenn prese prese. Ekspresyon Bondye yo ki nan liv sa a se sa Sentespri a di legliz yo, jan sa te pwofetize nan Liv Revelasyon an. Pawòl Bondye sa yo pou epòk nou an se pi bon temwayaj sou aparisyon ak travay Li, kòm tou se pi bon temwayaj ki montre Kris la se verite a, chemen an, ak lavi a. Objektif liv sa a se pèmèt tout moun ki anvi wè aparisyon Bondye tande vwa Li pi vit posib. Nou espere tout moun k ap tann retou Seyè a epi k ap tann avèk espwa aparisyon ak travay Bondye yo ap kapab li liv sa a.
